Inwaragawag ti Malacañang a saan a rumbeng nga ikonektar iti isyu ti flood control project iti saritaan ti impeachment maibusor kenni Bise Presidente Sara Duterte.
Segun kenni Palace Press Officer Undersecretary Claire Castro, raraemen ti Malacañang iti opinion ni Congressman Toby Tiangco ken ti saanna a panagperma iti naipila nga impeachment complaint.
Nupay kasta, impaganetget na nga agsina a saritaan dagiti flood control projects ken dagiti alegasion a sangsanguen ti Bise Presidente.
Kenuna ni Castro a saan a rumbeng nga ibasar iti aniaman a desision iti resulta ti impeachment iti resulta ti imbestigasion dagiti flood control projects, gapu ta nagduma iti sakup ken isyu a taltalantanen dagiti dua a saritaan.
Innayon na pay nga agtultuloy iti gobierno ti panagreggetna a mangsungbat iti siasinoman a nakabasol kadagiti isyu ti flood control, ket saan a rumbeng nga aramiden daytoy a basaran wenno kondision iti saritaan ti impeachment.###
