BR LA UNION – Personal a binisita ni Italian Prime Minister Georgia Meloni ni Pope Francis iti Gemelli hospital idiay Rome.
Kinuna ni Meloni a naragsak ti Santo Papa idi makita na ken alerto daytoy ken responsive.
Innayonna a naki-angaw pay iti 88-anyos a Santo Papa kenkuana ken kanayon a naka-katawa.
Ikar-kararag na iti napartak a panagimbag ti Santo Papa kadwa na ti gobyerno ken umili idiay Italy.
Immuna ti daytoy, kinumpirma ti Vatican nga agtultuloy iti panag-palaing ni Pope Francis kalpasan a ma-diagnosed ti pneumonia iti agsinnumbangir a bara.
Kalpasan nga aginana ken agkararag, sumaruno nga agbasa ti mensahe iti 88-anyos a Santo Papa.
Nagpanawagan pay iti Vatican nga itultuloy ti agkararag para iti napartak a panagimbag ti Santo Papa.
Maipalagip nga idi napan a lawas ke naiturong iti ospital ti 88-anyos nga Argentinian pope kalpasan a nagsagaba ti bronchitis.
