Nagsapata iti gobierno ti Japan nga itultuloy ti suporta para ti circular economy ditoy Pilipinas kas sungbat iti problema ti polusyon ti plastic.
Segun iti Embassy of Japan in the Philippines, papigsaen da pay ti partnership ti Manila ken Tokyo para ti pannakaitandudo ti modelo a circular economy, nu sadino ket ma-recycle ken mausar manen dagiti produkto nu kasta ket makissayan ti mapataud a basura.
Kinuna ni Japanese Ambassador Endo Kazuya, narigatan metlaeng ti Japan iti problema maipanggep ti waste management ken imbilang na pay daitoy a kas ”global challenge.”
Imbatad ti Envoy a suportaran pay ti Japan iti Pilipinas iti panangimaton ti marine plastic pollution kas paset ti lumawlawa nga international cooperation.
