Agtultuloy ti panagay-ayam ti TNT Tropang Giga nga awan ti veteran guard da a ni Jayson Castro kalpasan a nagsagaba daitoy ti seryoso a knee injury iti Game 2 iti PBA semifinals series kontra Rain or Shine Elasto Painters.
Natumba ni Castro kalpasan ti off-balanced layup a dagus nga nagkasapulan ti atensyon medikal. Naiturong daitoy iti ospital para iti naan-anay a pannakataming.
Segun iti TNT team manager a ni Jojo Lastimosa, pinasingkedan ti inisyal a medical report a nagsagaba ni Castro ti full-thickness patellar tendon injury iti makinkannawan a tumeng na, ken agkasapulan daitoy ti agingga innem a bulan a panaginana ken rehabilitasyon.
Dakkel a pukaw daitoy para iti TNT agsipud ta dakkel ti ambag ni Castro para ti kampanya da ti semifinals.
Idi Game 1 ket nakascore isuna ti 24 points bayat a di Game 2 ket nakairekord met isuna ti 13 points ken lima nga assists sakbay iti injury.
Ti kaawan ni Castro ket agbalin a karit para iti tarigagay ti TNT a kampyenato kabayatan ti panag-abante da iti playoffs.
