Nakatuding a mailako iti auction ti maysa kadagiti kauddian a sculptural works ni Dr. Jose Rizal.
Maawagan ti sculpture a “Josephine Sleeping” ken nahulma daitoy basar iti maysa kadagiti nagbalin a nobya ni Rizal a ni Josephine Bracken.
Mailako daitoy iti starting price a P7-M idiay Ciudad ti Makati para iti umadani a Kingly Treasure Auction 2024 inton Nobiembre 30.
Segun kenni Jaime Ponce de Leon, art director ti Leon Gallery, ti sculpture nadesisyonan nga ipa-auction dagiti nabatbati a kakabagian ni Narcisa Rizal, kabsat ni Jose Rizal.
Daitoy ket maysa kadagiti art pieces a dokumentado ken pirmado mismo iti Pambansang Bayani ng Pilipinas.
