Opisyalen a nagleppas ti Kaagapay ng mga Mandirigma Mula sa Dagat (KAMANDAG) exercise 2025 ti nagbaetan ti Philippine Marine Corps ken United States Marine Corps.
Daitoy metten ti senyales ti panagleppas ti bilateral training ti Philippine ken US forces kakadwa dagiti key partners da a maibilang pay kas milestone para ti tay-ak ti territorial defense operations ditoy pagilian.
Karaman kadagiti aktibidad ti Kamandag exercise ket ti Chemical, Biological, Radiological, Nuclear and Explosive (CBRN) Subject Matter Expert Exchange (SMEE), Senior Enlisted Leaders Symposium, Maritime & Special Operation Forces events, Live Fire Integration, Maritime Strike, Counter-Landing/Defensive Retrograde Operation, Special Operating Forces Strike, ken Humanitarian Assistance and Disaster Relief.
Ti Kamandag exercise ita a tawen ket nakisalipan ti Japan Ground Self-Defense Force, Republic of Korea Marine Corps, ken ti United Kingdom Armed Forces bayat a nagserbni met kas observers ti pagilian a The Netherlands, Bahrain, Canada, ken New Zeland.
Kabayatanna, pinagyamanan ti Guest of Honor and Speaker a ni Philippine Navy Flag Officer-in-Command Vice Admiral Jose Ma Ambrosio Ezpeleta ti amin a kontribusyon dagiti nakipaset para ti balligi ti Kamandag exercise, a nangipamatmat ti collaborative efforts ken naballigi a synchronized movements, strategic maneuvers, ken protocol testing.
Impaganetget pay ti opisyal ti kinapateg ti agtultuloy a kolaborasyon para ti panagpatalinaed ti kapia ken stabilidad ti rehiyon.
Kinuna pay ti PN official a ti Kamandag exercise ket saan laeng a maipanggep ti panagsagana ti gyera nu di ket mainaig pay ti komprehensibo a panagsagana para kadagiti kritikal a pasamak nga agkasapulan ti agmaymaysa nga aksyon.
