LA UNION – Siniguro ni House Secretary General Reginald Velasco a nakasaganan iti Kamara para iti maikatlo nga State of the Nation Address (SONA) ni President Ferdinand R. Marcos Jr.
Iti naisayangkat a SONA inter-agency meeting idiay Palasyo ti Malakanyang, inwaragawag ni Velasco dagiti naaramid a renovations idiay Kamara tapno ma-accomodate dagiti partners manipud Office of the President (OP) ken Senado.
Nagyaman met ni Senate Secretary Renato Bantug iti House of Representatives iti ar-aramiden dagitoy a panagsagana para iti nasao nga event.
Sinalodsod met ni Presidential Communications Office (PCO) Undersecretary Honey Rose Mercado iti Metro Manila Development Authority (MMDA) kadagiti detalye seknan iti traffic rerouting plan tapno maipaayan ti advisory iti publiko ken makapag-sagana para iti maipatungpal nga adjustments inton kaaldawan ti SONA.
Kabayatanna, impadamag ti Philippine National Police (PNP) nga aganay 22,00 a police personnel iti nakatuding a maideploy iti naduma-duma a paset ti Metro Manila.
Naisayangkat pay ti initial walk-through para iti SONA scenario manipud panagsangpet ni President Ferdinand Marcos Jr agingga iti panagbetla daytoy.
Nakatuding inton July 15, 2024 iti final meeting para iti panagsagana iti SONA 2024.
