Imbestigaran ti House Committee on Justice nga idadauloan ni Batangas 2nd District Representative Gerville Luistro ti extradition request ti Estados Unidos kenni Pastor Apollo Quiboloy tapno agbalin a nalawag ti isyu iti proseso.
Ti panangisayangkat ti motu proprio investigation ket nagtaud iti kiddaw ni Akbayan Party-list Rep. Perci Cendaña iti komite ni Luistro a mangiyuswat ti inquiry in aid of legislation seknan ti extradition request ti pastor.
Inaprobaran met ni Luistro ngem sakbayna ket nangisayangkat da pay iti nainget a diskusyon; kinunana a dua a napateg a linteg ti nasken nga ikonsiderar – 1994 extradition treaty ti nagbaetan ti Estados Unidos ken Pilipinas ken ti Presidential Decree 1069 wenno pagaammo kas Philippine Extradition Law of 1977.
Impunto ni Flores a dagiti agdama a linteg ket saan a nalawag nu sino iti addaan otoridad a mangipili ti temporary surrender ken deferred surrender ti extraditee, banag a pinaboran met ni Luistro ken inlawlawag a ti pannakairaman ni Quiboloy iti imbestigasyon ket “incidental” laeng.
Imbatad na a tariggay ti komite na a papigsaen ti extradition framework ti pagilian, siguraduen nga adda iti agsungbat, ken patibkeren ti sinapataan ti administrasyon para ti panakibinnulig ti Pilipinas kadagiti sabali a pagilian kontra kadagiti “henious crimes” kabayatan a mararaen iti independencia ti hukom.
