BR LA UNION – Rinugyan ti Kamara de Representantes ita nga aldaw ti Lunes, Agosto 19, iti panagdengngeg ti gakat a P6.793-trilyon a national budget para iti sumaruno a tawen nga insumite ni Presidente Ferdinand “Bongbong” R. Marcos Jr. idiay Kongreso.
Iti umuna nga aldaw ti pormal a panagtataripnong, umawat ti House Committee on Appropriations ti briefing manipud kadagiti miyembro ti Development Budget Coordination Committee (DBCC) seknan iti kasasaad ti ekonomiya ti pagilian ken macro-economic assumptions nga inusar ti administrasyon iti panang-bukel ti gakat a budget para iti 2026 wenno iti National Expenditure Program (NEP).
Nakatuding a sabaten ni Speaker Ferdinand Martin G. Romualdez dagiti miyembro ti DBCC iti panagdengngeg ti Kamara nga idaulwan ti chairperson ti appropriations panel a ni Nueva Ecija Rep. Mikaela Angela “Mika” Suansing.
Mangisayangkat ti briefing da Budget Secretary Amenah Pangandaman, Economic Planning Secretary Arsenio Balisacan Jr., Finance Secretary Ralph Recto, ken Bangko Sentral ng Pilipinas Gov. Eli Remolona Jr.
Impaganetget manen ni Speaker Romualdez iti kari na nga agbalin a transparent ken inclusive dagiti deliberasyon iti budget, ken sumurot kadagiti reporma nga ipatungpal ti Kamara iti proseso ti panangipasa ken implementasyon ti national budget.
Kinuna na pay a ti NEP ket repleksiyon ti spending priorities ni President Marcos para iti Bagong Pilipinas.
Immunan nga inbutaktak ni Speaker Romualdez, dagiti budget reform nga inisyatibo ti Kamara para iti budget deliberation.
