“Ipinapasa ng Kamara ang kanilang hindi nagawang responsibilidad sa Senado”.
Daitoy ti reaksyon ni Senate President Chiz Escudero ti saan a panangklon ti Kamara ti nagkurangan da gapuanan tapno saan a maaprobaran ti singasing a gakat para ti kanayunan a sueldo.
Impunto ni Escudero a 16 a bulan a tinugawan ti Kamara iti wage hike bill bayat a ti Senado ket pinatibker ti P100 daily minimum wage hike bill idi bulan ti Pebrero 2024 ken madagdagos da a kiniddaw ti nababa a pagpandayan-linteg nga i-adopt daitoy, ngem saan met pulos nga inaksyonan dagiti kongresista.
Impaganetget ti Senate President a nagkuna nga itantantan ti Senado ti gakat idinto a maudi a lawasen ti sesyon idi impatulod ti Kamara ti bersyon da ken imposible a maaksyonanen daitoy gapo ti kinakurang ti oras.
Awan met kunana iti datos a mangsuporta ti P200 wage hike bill ti Kamara maipapan kadagiti mabalin nga epekto na iti ekonomiya, partikular kadagiti babassit a negosyo.
Innayon na a nu talaga a kayat nga itandudo ti Kamara ti kanayunan a sueldo dagiti mangmangged ket nasken nga inadaptar a da lattan ti bersyon ti Senado tapno saan a dimmalanen ti bicameral conference committee ken dagos a nai-enroll tapno napermaanen a dagos ti Presidente.
