Aminado ti kampo ti nakadetene a ni Pastor Apollo C. Quiboloy a posible latta a maipatungpal ti extradition nga uray pay adda dagiti agur-uray a kaso na ti masakbayan.
Iti ekslusibo a pannakiuman ti Bombo Radyo iti legal counsel ni Quiboloy a ni Atty. Israelito Torreon, inaklon na a daitoy ket saan nga imposible a mapasamak agsipud ta addaan ti bileg ti estado ti Pilipinas a pagbigyan ti kiddaw ti Estados Unidos para ti extradition.
Sumangsango metlaeng iti kapada a nagtutuon a kaso idiay Estados Unidos iti pastor kas iti child sex trafficking, fraud, ken dadduma pay isu a wanted isuna idiay ballasiw-taaw.
Kinuna ni Atty. Torreon nga adda latta ditoy Pilipinas nu palpasen pay nga umuna dagiti amin a panangdengngeg ti kaso ni Quiboloy sakbay a dakamaten ti panangipasa kenkuana idiay Estados Unidos kasaruno ti panangibinglay na nga awan pay met ti aniaman a dokumento wenno pormal a kopya ti ‘Extradition Request’.
