Inawagan ni Senadora Risa Hontiveros a ‘recycled lies’ ken ‘harassment’ ti impila nga ethics complaint ti kampo ni Atty. Ferdinand Topacio kontra kenkuana gapo iti mapapati a panagsuhol na kadagiti testigo kontra kenni Kingdom of Jesus Christ founder Apollo Quiboloy.
Segun kenni Senadora Hontiveros, nakasagana isuna a sangwen ti relamo ken innayon a masikuran laeng isuna nangruna ta nagado iti maaramid a trabaho ken isyu a rumbeng nga unaen.
Nagbuwelta met ni Topacio iti waragawag ni Hontiveros a ti impila na a reklamo ket maysa a klase ti harassment ken kinuna a napateg a mapreserba ti reputasyon ti Senado kas maysa nga institusyon.
Kinunana a saan a mabalin a ti nakangatngato a pagpandayan-integ ket adda iti miembro nga agbaybayad wenno kidnapper iti agtestigo kadagiti panagdengngeg.
Kabayatanna, malaksid kenni Topacio ket kadwa na pay a nangipila ti ethics complaint ni Manuelito Delos Reyes Luna ken ni Jacinto Paras.
