Kritikal ti nagun-od ti kumankanidato ti kina-presidente sadiay Colombia a ni Miguel Uribe Turbay, 39-anyos kalpasana a paltogan da ti ulo na kabayatan ti panagkampanya na idiay ciudad ti Bogotá.
Segun iti report, dua a bala ti ulo ken maysa iti tumeng ti sinagaba ni Turbay. Dagos met a naarestar ti maysa a 15-anyos wenno menor d e edad a suspek.
Napalaos met ti panagladingit ti asawa na a ni Maria Claudia Tarazona ken nagpanawagan iti publiko iti kararag tapno malasatan na iti assassination ken madagdagos a makarekobre.
Kabayatanna, agdama met nga agpapaimbag sadiay Santa Fe Clinic ni Turbay nu sadino ket mangisaysayangkat ti rayer vigil dagiti suportador na.
Ti sabali a bangir, nainget a kinondenar ti partido ni Turbay ken ti gobierno ti Colombia ti insidente ken inawagan da ti pammaltog a panagsabotahe ti demokrasya ti pagilian da.Nangiwaragawag pay ni U.S. Secretary of State Marco Rubio gapo iti napasamak.
Ni Uribe ket manipud ti pamilya ti politika idiay Colombia nu sadino ket ti ina na a ni Diana Turbay a maysa a periodista ket kinautibo ket pinatay dagiti nalatak a druglord a ni Pablo Escobar idi 1991 babaen ti Medellín cartel na.
