BR LA UNION – Nangipugso ti napuskol a dapo iti Bulkan Kanlaon sakbay ti tengngat aldaw idi Lunes, segun iti Philippine Institute of Volcanology and Seismology (PHIVOLCS).
Kinuna ti PHIVOLCS nga agalas-11:52 ti bigat idi nangrugi nga agipugso ti dapo ken asok iti bulkan, nga umabot iti kangato nga 800 metro.
Naiyangin ti dapo iti laud pa-amianan a laud iti bulkan, isunga namnamaen a makapadas ti ashfall dagiti residente idiay La Carlota City, Bago City, ken kabangibang nga ili.
Kabayatanna, agtaltalinaed ti Alert Level 3 idiay Kanlaon, senyales ti nangato a tukad ti volcanic unrest.
Segun iti PHIVOLCS, adda magmatic intrusion wenno panag-serrek ti magma iti narabaw a paset ti bulkan, ken adda posibilidad a mangigubway daytoy ti delikado a panagbettak iti uneg ti lawas.
