Kinumpirmar ti Philippine National Police a tulang wenno rurog ti tao dagiti nakaikarga iti sako a narekobre iti Taal Lake idiay Talisay, Batangas.
Segun kenni PNP Chief Gen. Nicolas Torre II, daytoy iti resulta ti inisyal a panagamiris dagiti eksperto ti PNP.
Innayon na pay, posible nga adda iti nairaman a tulang ti ayup kadagiti sako a narekobre.
Nainget met a nasukimat dagiti lima a sako a narekobre manipud sadiay Taal Lake sakbay a naiturong iti forensic group para iti panangisayangkat ti cross-matching ti DNA samples kadagiti mapukpukaw a sabungero.
Iti agdama, nangipaayen dagiti 12 a pamilya dagiti mapukpukaw a sabungero ti DNA samples tapno macrossmatch kadagiti nadiskubre a rurog.
