LA UNION – Naisampan ti kaso a kriminal kontra kadagiti suspek nga adda pakainaegan iti pammaltog kenni sigud a Congresman Eufranio “Franny’ Eriguel idiay ili ti Agoo, La Union.
Nagyamanan met daytoy ti pamilya Eriguel, nupay kidkiddawenda iti naun-uneg nga imbestigasyon tapno makimmeg dagiti suspek nangruna ti mastermind iti krimen.
Iti sabali a bangir, mamati iti pamilya ti sigud a kongresista nga adda pakainaegan na iti politika ti napasamak a pammapatay no sadino napasamak daytoy maysa nga aldaw sakbay ti eleksyon.
Nagyaman met ni La Union 2nd Distrist Congresswoman Sandra Eriguel, ken anak na a ni Mayor Stefanie Ann Eriguel kadagiti amin a timmulong ken nangipaay simpatya iti pamilya da.
Nupay kasta, kumidkiddaw met ti panangawat ken respeto iti pamilya nangruna ita nga adda paglablabasan dagitoy.
Kabayatan na, malukatan met iti publiko ti lamay ti sigud a kongresista.
