Bimmaba iti kaso ti carnapping ditoy pagilian iti umuna a dua a bulan ti tawen.
Segun ti Philippine National Police Highway Patrol Group (PNP HPG), 14.25 porsiento iti panagbaba dagiti nairekord a kaso manipud Enero agingga iti Pebrero ita a tawen.
Kenuna ni HPG spokesperson Lt. Nadame Malang nga adda ti 391 a carnapping incidents a nairekord manipud Enero 1 agingga Pebrero 28.
Nababbaba daytoy no idilig iti nairekord a 456 iti isu met laeng a bulan idi 2025.
Maysa kadagiti rason ti panagbaba daytoy ket gapu iti panangpapigsada ti checkpoint ken intelligence operations.###
