LA UNION – Nailista idiay Australia partikular iti laud a paset ti pagilian iti panagngato ti bilang dagiti makap-kaptan ti Covid-19 nga omicron variant.
Makailis-lista da iti 75 a naakaran ken maitur-turong iti ospital iti inaldaw.
Maibasar iti surveillance data ti health department idiay Australia, pagdan-danagan iti panagngato ti kaso ti Covid-19 ita a holiday season a mangpar-parnuay manen ti buteng kadagiti health workers nu kumaru ti sitwasyon.
Isutgapuna a nagbalakad dagiti otoridad nga agsuot a kanayon ti facemask iti natao a lugar ket nu bilang addaan ti sakit, nabalakadan dagitoy nga agtalinaed ti babbalay.
Naallokoy pay iti publiko nga ag ‘self-isolate’ nu makapadas kadagiti mild symptoms.
Iti napartak a pannaka-akar ti dadduma nga Aussie wenno Australian manipud iti Covid-19 ket gapu iti nakapsot nga immune system.
Kabayatanna, inallokoy ti health department idiay Australia iti publiko nga agpa booster shot dagiti agtawen ti 64-74 ti tunggal 12-a-bulan, adda man wenno awan ti nakaru a sakit.
Dagiti met agtawen ti 18 agingga 64-anyos nga awan ti sag-sagabaen a sakit ket mabalin da ti agpa-bakuna kada 12–a-bulan.
Para iti edad 5 agingga 17-anyos nga addaan ti severe immunocompromise, mabalin da ti agpabakuna tunggal 12-a-bulan.
