LA UNION – Dumanon iti 16 a kaso ti dengue iti maipagarop a nailista idiay laeng ili ti Santol, La Union manipud bulan ti Enero agingga iti agdama.
Daytoy ti kinuna iti Bombo Radyo La Union ni Dr. Godofredo Tongson, agdama a municipal health officer ti nasao nga ili.
Ngem inlawlawag na a ti nasao a bilang ket saan a nagtaud iti opisina na, nudiket base iti hospital record a naka-admitaran dagiti biktima, partikular ditoy syudad ti San Fernando.
Nupay kasta, siniguro ni Tongson nga i-verify da iti nasao a hospital report ken tapno maamwan nu sadino a barangay iti naggapwan dagiti nasao a 16 a biktima ti dengue, sakbay da nga ipatungpal dagiti addang a mangparmek iti sakit a dengue.
