BR LA UNION – Naan-anayen a naiproklama ni Rolan Kerwin Espinosa kas baro a nabotosan a mayor idiay Albuera, Leyte.
Maibasar iti opisyal nga anunsyo ti kampo na, binigbig ti Comelec iti panangabak ni Espinosa.
Kadwa na a nai-proklama iti kabsat na a ni Mariel RR Espinosa a nangabak a bise mayor ti nasao nga ili.
Naisayangkat ti proklamasyon iti presensya dagiti pannakabagi ti Commission on Elections (COMELEC) ken kadagiti lokal nga opisyal ti Albuera, kalpasan a makumpleto iti transmission ti election returns manupud naduma-duma a presinto.
Maipalagip a napaltugan ti namindua a daras ni Kerwin idi panawen ti kampanya.
Inaresto pay dagiti otoridad ti dadduma a suspek ken saan pay nga ammo nu siasino ti akin-aramid ti pammaltog.
