Opisyal nga indauloan ni North Korean Leader Kim Jong Un ti panaglukat iti Wonsan Kalma coastal tourist area, maysa a dakkel a resort a kabaelan a makaakomodar ti agingga 20K a turista.
Segun iti lokal a media ti North Korea, inwaragawag ni Kim ti kinaragsak na seknan iti proyekto ken innayon a mapapartaken ti developments kadagiti dadduma pay a dadakkel a tourist zones ti pagilian da.
Makuna a ti Wonsan a sigud a destinasyon dagiti lokal ket napalawa pay tapno agbalin kas million-dollar tourist hotspot. Maysa a napateg a pagalaan ti biruk para iti North Korea iti turismo ngem saan da met a makaala kadagiti dadakkel a foreign partners gapo iti pannusa nga impaulog ti United Nations.
Kabayatanna, pinalawa pay ti pagilian dagiti restriksyon para iti panagserrek ti turista manipud idi tawen 2023 bayat a pinalubosan da met a makastrek dagiti grupo manipud ti pagilian a Russia.
Iti Russia ken North Korea ket addaan iti napintas a relasyon ken manamnama pay iti panagbisita iti ambassador ti Russia idiay Pyongyang kas espesyal a bisita para kadagiti napapateg seremonya.
