Impaganetget ti European Union observers a saan da a naan-anay a nabantayan ti midterm elections a naangay idi kalman, May 12.
Segun iti European Union Elections Observation Mission, saan da a nakagun-od ti umdas nga impormasyon 2025 national midterm election ditoy Pilipinas gapo ti kinakurang iti access kadagiti polling precincts. Innayon da pay a nabaliwan ti allagaden sakbay ti eleksyon isu a saan da a naideply dagiti observers.
Daitoy ket laksid ti kaadda ti katulagan iti European Union ken ti pagilian a mangipaay iti nawaya ng access iti election information. Uray pay nu kasta ket naideply latta dagiti observers ti EU iti binnilang ti botos kalpasan ti alas-siete ti rabii idi kalman.
Kabayatanna, isagsagana da metten ti preliminary statement a naglaon kadagiti obserbasyon da mainaig ti eleksyon ditoy Pilipinas ti agarop alas-onse ti bigat, aldaw ti Miyerkules, May 14.
