BR LA UNION – Rinugyanen ti Metropolitan Manila Development Authority (MMDA) a baklasen dagiti campaign posters ita nga aldaw ti Miyerkules, Mayo 14 kalpasan ti 2025 midterm elections.
Kadwa ti ahensiya iti Commission on Elections a nangbaklas dagiti campaign poster a narugyan idiay Regalado bridge idiay Commonwealth Avenue siyudad ti Quezon.
Kabilang dagiti nabaklas ket agsumbangir a tarpaulin a nakakabit iti poste, kayo, pader ken pampubliko nga istruktura iti sumagmamano a lugar idiay Quezon City, Muntinlupa City, Pasay City ken ili ti Pateros.
Segun iti MMDA, maiturong dagiti nakolekta a campaign materials iti sumagmamano a bases kadagiti lugar idiay Ortigas ken Marikina.
Maited a donasyon dagiti nabaklas a campaign materials iti partner beneficiaries dagitoy a kas iti pagbaludan ken organisasyon para kadagiti addaan ti diperensiya ti bagi iti Tahanang Walang Hagdan ken iti environmental group nga EcoWaste Coalition.
Nagpanawagan met ti ahensiya kadagiti kandidato a boluntaryo nga ikkaten iti campaign paraphernalia kas pannakikaysa iti kampanya para iti nadalus ken natalged nga aglawlaw.
