BR LA UNION – Natay kalpasan a napaltugan iti mayor ti Rizal idiay probinsiya ti Cagayan a ni Mayor Atty. Joel Ruma.
Maibasar iti inisyal nga imbestigasyon dagiti otoridad, napasamak ti insidente bayat iti panag-kampanya ti mayor idiay Barangay Iluru Sur, Rizal pasado alas-9 ti rabii idi Abril 23, 2025.
Bayat nga agpapa-picture taking ti mayor kadwa na iti sumagmamano a residente ti lugar ket kellaat a pinaltugan dagiti saan pay a nabigbig a suspek.
Karaman a natay iti insidente iti dua a close aide ti mayor.
Naiturong iti ospital ngem indeklara a dead-on-arrival dagiti doctor.
Agtultuloy a sap-sapolen dagiti otoridad iti suspek ken agtultuloy ti imbestigasyon seknan iti insidente.
