Inbinglay ni King Charles III ti kapadasanna iti panaglaban ti cancer nu sadino ket kinunana nga adu dagiti naammiris ken nasursurwanna iti daitoy a panagsakit na.
Babaen ti maysa a mensahe ket naipatulod ti maysa a panagtitipon para kadagiti grupo a tumultulong kadagiti addaan ti cancer ti kapadasan na a kinunana ket “kasayaatan nga aspeto iti sangkatauhan.”
Maipalagip a kinuna ti Buckingham Palace idi Pebrero 2024 a ni King Charles ket addaan ti cancer. Natakuatan daitoy kalpasan ti maysa a prostate procedure. Nupay saanen a mailasin nu anya a klase daitoy ti cancer, kinuna ti Buckingham idi Disyembre a seryoso ti Hari iti panagagas na.
Nakita manen ni King Charles iti public duty idi laeng napalabas a tawen.
Pinagyamanan na dagiti organisasyon ken indibidwal a nangipaay ti suporta, panangtaripato, ken nangted namnama para kadagiti pada na a pasyente nga addaan ti cancer.
Dinakamat pay ni King Charles a laksid ti buteng na ken rigat nga inggubuay ti sakit, nakita na met ti kinasayaat ti tunggal indibidwal ti biag na.
