Nabalkot ti tension idiay Paiporta, Valencia kalpasan a binarbarsak ti pitak dagiti biktima ti layos ni King Felipe ti Espanya.
Napan sadiay ti Hari ti Espanya tapno bisitaen dagiti lugar a nalayos gapo iti nakaro a panagtudo.
Nagusar met ti payong dagiti security personnel ni King Felipe tapno maprotektahan daitoy manipud kadagiti maibarbarsak kenkuana.
Malaksid iti pitak, binarbarsak pay dagiti tao ti Hari da kadagiti basura ken dadduma pay a babassit a banag, kasaruno iti panangiriyaw da kadagiti riri da ken pananginsulto kadagiti opisyales ti Espanya.
Iti agdama ket dimmanonen iti pakabuklan a 211 nga indibidwal ti pimmusay gapo ti nalawa a panaglayos idiay Espanya a katupag iti maysa tawen a panagtudtudo nga naibuyat laeng iti maymaysa nga aldaw daitoy maudi a paset ti Oktubre.
