BR LA UNION – Sinuspinde ti Provincial Government iti klase ti amin a level iti intero a probinsiya ti La Union inton bigat, Hulyo 4, 2025.
Gapu daytoy iti saan a nasayaat a paniempo, a gapwanan ti agraraira a weather system – iti habagat ken low pressure area.
Nabalakadan dagiti umili ti La Union nga agannad ken aramiden dagiti wagas a mangsiguro ti kinatalged iti tengnga ti tuloy-tuloy a panagtudo.
Sakbay iti anunsiyo ti PGLU, nasapa a nag-abiso ti sumagmamano a lokal a gobyerno iti suspension of classes idi pay rabii, Hulyo 3.
Kabilang dagiti immuna a nangipaka-ammo ti class suspension ket iti ili a Bangar, Bauang, Sudipen, ken Balaoan, La Union.
