LA UNION – Suspendido pay laeng ti serrek ti klase iti amin a tukad ti edukasyon, iti pampubliko ken pribado a pagadalan iti intero a probinsiya ti La Union inton bigat, Oktubre uno, 2024.
Maiyannurot daytoy iti Executive Order No. 53, series of 2024 nga impaulog ti Provincial Government of La Union nga idaulwan ni Gov. Rafy Ortega-David gapu iti agtultuloy nga epekto ti bagyo Julian.
Kabayatanna, addan ti serrek iti trabaho dagiti empleyado ti gobyerno inton bigat.
Agtaltalinaed a nakapasidong ti La Union iti ballaag ti bagyo a Signal No.1 isunga agtalinaed met koma a naka-alerto ken naridam dagiti umili kontra iti posible nga epekto ti bagyo Julian.
Palagip kadagiti residente nangruna dagiti agnanaed iti kanayon a malay-layos a lugar ken prone ti landslide nga umakar iti nataltalged a lugar wenno agturong kadagiti naituding nga evacuation center iti masakopan a lugar.
