LA UNION – Gapu iti mapadpadaanan nga epekto ti sumungsungad a bagyo nga Ompong, suspendidon ti serrek iti klase kadagiti amin a lebel ti pribado ken parapubliko a pagadalan ken iti trabaho mangrugi ita nga aldaw agingga inton bigat, Setyembre 15, 2018.
Daytoy ket maibasar iti inyetnag nga Executive Order 15 s. 2018 ni La Union Governor Francisco “Pacoy” Ortega III.
Maipalagip a naibayog metten iti signal number 1 ti La Union gapu iti bagyo nga Ompong.
Panggep ti suspension ti klase ken trabaho a mailisi iti peggad dagiti umili a posible a gubway ti dakes a kasasaad ti panawen.
