BR LA UNION – Ibilang dagiti otoridad kas maysa a ‘terrorist attack’ ti napasamak a knife attack wenno pammagkong idiay Haifa, Israel idi Lunes a nakatayan ti maysa a tao, a kaunaan nga insidente ti kinadamsak sipud naipatungpal ti ceasefire idiay Gaza idi Enero.
Iti insidente ket napasamak iti maysa a bus ken train station idiay Haifa, a pagtaengan dagiti Hudyo ken Arabo.
Maibasar iti kauddian a report dagiti otoridad, iti biktima a natay ket mapatta-patta a 70-anyos ken uppat pay ti nasugatan ken kritikal ti kondisyon da.
Kabilang dagiti nakaru a nasugatan iti 15-anyos a barito, babai ken lalaki nga agtawen iti 30s, ken 70-anyos a baket.
Inladawan ti Israeli police iti insidente a “terorist attack” ken kinumpirma da a ti suspek ket miyembro ti Druze Arab minority idiay Israel nga idi agangay ket napatay dagiti security guards iti maysa nga engkwentro.
