Nangilatag ti Armed Forces of the Philippines (AFP), Philippine National Police (PNP) ken Commission on Elections (Comelec) ti comprehensive security measures tapno masalakniban ti proseso ken masigurado ti integridad ti eleksion 2025.
Kasaruno daytoy ti miting dagiti Joint Security Control Centers ken ti pannaka-activate ti National Election Monitoring Center (NEMAC) a pakamonitoran ti amin a pasamak ti eleksion.
Impasigurado ni AFP Chief of Staff General Romeo Brawner ti kinasagana ti militar iti panangipatulod kadagiti soldado ken rekurso para kadagiti operasion.
Impaganetget pay ni Brawner ti kinapateg ti Joint Security Control Centers a mangpapigsa iti koordinasion ti militar, PNP, ken Comelec.
Siguraduen ti AFP, PNP ken Comelec a natalged ken naurnos ti eleksion inton Mayo 2025 karaman ti Bangsamoro Autonomous Region in Muslim Mindanao (BARMM) Parliamentary Elections.
Agpada a sinigurado ti dua a sektor ti seguridad a naipasdeken ti naisagana a seguridadda, nangruna kadagiti lugar a nailasin kas areas of immediate concerns.
