Pimmusayen iti tawen a 90 ni Luis Jalandoni, senior political consultant ken miembro ti executive committee iti salot nga National Democratic Front of the Philippines (NDFP).
Segun iti Communist Party of the Philippines (CPP), pimmusay ni Jalandoni idi aldaw ti Sabado, 9:05 iti bigat idiay Utrecht, Netherlands — alas-3 ti malem met nu oras ditoy Pilipinas – kadwa ti pamilya, gagayyem, ken ti asawa na a ni Ka Coni.
Sigud a nagserbi ni Jalandoni kas chief negotiator ti NDFP, maysa a political wing ti CPP, kadagiti negosasyon ti gobierno a panggep a gibusenen ti dekada a panangdadael ti communist insurgency ditoy pagilian.
Sakbay nga agleppas ti administrasyon ni sigud a presidente Rodrigo Duterte id tawen 2022, naidekalara kas terorista ti Philippine Anti-Terrorism Council (ATC) ni Jalandoni kakadwa dagiti lima pay a a kameng ti salot a CPP.
