Nangipeksa ti sakit iti nakem dagiti Barangay Officials ti Barangay San Felipe, San Juan, La Union gapu ti maibagabaga nga awan iti ar-aramiden dagitoy.
Iti pannakaiuman iti Bombo Radyo La Union kenni Barangay San Felipe Capt. Edgardo Borja, awan ti kinapudno na iti nasao nga akosasyon.
Segun pay iti konseho barangay a saanda a maaklon iti akusasyon a saanda nga ar-aramiden ti pagribbenganda.
Nasakit met ti nakem dagitoy nga akusaran nga umikkat iti puwesto agsipudta isuda ket nabotosan ken dagiti tao met laeng ti mabalin a mangikkat kadakuada.
Maipalagip, naidanon iti Bombo Radyo La Union ti reklamo iti pannakadadael dagiti sanikua ni Susan Abat iti nasao a Barangay babaen iti mapagsuspetsaan nga indibidual.
Segun kenni Abat, tawen 2017 pay a nangrugi a nangidatagda ti reklamo iti kansohe nga agingga iti agdama ket maipagarop a saan pay nga naaskyonan.
Nasakit met iti nakem daytoy agsipudta saan na met a pidpudoten ti kuarta ngem ketdi paglingling-itan na idiay pagilian a Qatar.
No anyaman kuna na nga adda kenkuana ket siwawaya a mangisagot ngem rumbeng a saan dagitoy nga abuswen.
Innayon na pay a saan daytoy nga naimot maikaniwas iti akusasyon agsipudta ammo na kuna na ti biag iti nakurapay.
Tarigagay na laeng ita ket maisardeng dagiti aramid a panangdadael kadagiti sanikua dagitoy.
Kabayatan na, kiniddaw ni Kapitan Borja ti kooperasyon dagiti kalugaran dagitoy tapno maamuan no siasino dagitoy nga agdaddadael ken iyukom kadakuada tapno naan-anay a maaksyonan.
