Impaganetget ti maysa a mahistrado ti Korte Suprema a kasapulan a pasayaaten ti sistema ti panagbuis ditoy pagilian.
Segun kenni Supreme Court Associate Justice Marvic Leonen, agbalbalinen a tuso ken narigat a mabigbig dagiti baro nga estilo ti korapsyon isu ket ita paylaeng ket nasken a labananen dagitoy.
Mainaig iti dayta, dakkel a tulong kunana ti teknolohiya iti panangpasayaat ti panangimando ti tax ken transparency.
Dinakamat pay ni Justice Leonen ti digital reform iti hudikatura babaen ti Strategic Plan for Judicial Innovations 2022-2027 ken eCourt PH 2.0. a panggep nga aramiden a digital ti proseso ti korte tapno mapapartak ti panagdengngeg ken mapasayaat ti access iti hustisya.
