LA UNION – Nakatudingen a maidatag inton Lunes idiay piskalya ti kaso kontra kadagiti dua a lallaki a nagmaneho kadagiti sasakyan a mipagarup a nakadalapus iti Koryano nga estudyante idiay national highway ti Barnagay Carlatan, syudad ti San Fernando, La Union.
Naammuan ti Bombo Radyo manipud iti San Fernando City Police, kaso a reckless imprudence resulting in homicide iti reklamo a sanguen dagiti respondent drivers nga isuda Roi John Michael Perez, 21 anyos, nagmaneho ti Toyota Fortuner; ken Ronald Alwit Jr., 25, a makin-iggem iti kotse a Honda City, agpada nga agnanaed iti syudad.
Bse iti imbestigasyon ti pulisya, maipagarup a kabayatan a bumalballasiw itattay alas-3:30 iti parbangon ti biktima a ni Hyeokgon Gwon, 23, mangal-ala iti kurso a Bachelor of Sciene in Civil Engeering idiay Saint Luis College ti syudad, ket immuna a nadungpar daytoy iti lugan ni Perez, kasaruno iti pannakadalapus na manen iti dakamat a kotse.
Gapu iti kipapigsa iti panakadungpar dagiti lugan iti biktima ket naderder ti bagi daytoy.
Nalusak pay ti ulo ken rimmuar iti utek ti biktima gapu ti aksidente.
Maipagarup nga agpada a nakainum dagiti respondent driver idi nadungpar ti biktima ken adda ita iti kustudiya ti pulisya.
