Nagapela ni House Deputy Speaker ken Quezon Rep. David “Jayjay” Suarez a talnaanen ti panangdadael ti programa ti gobyerno a mangipapaay kadagiti ayuda.
Panawagan daitoy ni Suarez kasaruno ti resulta ti nagsina nga survey ti Social Weather Stations (SWS) ken Pulse Asia a mangipakpakita ti manipud 80% agingga 90% kadagiti Pilipino ti mangbigbigbig kadagiti benepisyo ti social welfare programs.
Kangrunaan nga dinakamat ni Suarez dagiti Pantawid Pamilyang Pilipino Program (4Ps), Ayuda sa Kapos ang Kita Program (AKAP), Tulong Panghanapbuhay sa Ating Disadvantaged/Displaced Workers (TUPAD), ken Walang Gutom Program.
Saan met kunana nga patas nga ibaga nga pagbalbalinen nga dependent ti gobierno dagiti tao babaen kadagitoy nga ayuda.
