Nailakon ti nalatak nga NBA team a Los Angeles Lakers ti gatad a $10 billion — kanginaan a gatad para ti maysa a sports team iti pakasaritaan ti Estados Unidos, segun iti report manipud ESPN.
Tinagikua ti Buss family ti Lakers ti las-ud ti 47 a tawen ken inlako dan iti bunggoy iti bilyonaryo a ni Mark Walter, maysa nga agdama a minority owner ti team ken CEO ti TWG Global. Nupay kasta, agtalinaed latta a team governor ni Jeanie Buss kasaruno ti panangilako iti NBA team.
Kabayatanna, ni Walter pay ti agtagikua ti Los Angeles Dodgers, Los Angeles Sparks, ken dadduma pay a sports properties.
Segun kenni NBA legend Magic Johnson, napintas a damag daityo para iti Lakers gapo ta ni Walter ket adaan ti reputasyon iti naballigi a panangimaton.
Nangigubuay ti 11 nga NBA championships iti Buss family ti Lakers manipud pay idi tawen 1979, karaman dagiti tawen a nagbalin a player da da Magic Johnson ken ni Kobe Bryant.
