Nagballaag ni La Union Governor Mario Eduardo Ortega kadagiti ka-Probinsya a saganaan ti aniaman a didigra, partikular ita a manamnama ti panagduprak ti Bagyong Crising ken ti agtultuloy a panangpatudo ti Southwest Monsoon wenno Habagat.
Indasig ti gobernador dagiti naglabas a kapadasan ti probinsya tunggal adda iti babagyo a kadawyan ket baliktad iti mapaspasamak kadagiti ballaag manipud state weather bureau.
Nu maminsan kunana, adda iti ballaag a napigsa iti dumuprak a bagyo ngem nu lumabas ket awan met iti panagtudo na, kasta met dagiti dadduma a ballag a nakapsot a panagtudo ngem napigsa met gayam nu makadanon ditoy probinsya.
Innayon na a mangisagana laeng ti uray maysa a bag a naglaon kadagiti napapateg nga arawaten, nangruna kadagiti kadawyan nga apektado. Imballaag na pay a taginayonen iti kaadda ti taraon nga agpaot ti dua agingga tallo nga aldaw kadagiti pagtaengan.
Nupay adda iti sumangpet a tulong manipud iti lokal a gobierno ti La Union, nakadepende latta iti perdisyon ti didigra nu kasatno kapaot a maipatulod dagitoy. Iti napateg kinuna ni Governor Mario ket adda iti temporario a pagbiag ken nakasagana a survival kit.
