LA UNION – Saan nga makaapektar iti panagkandidatona kas mayor inton May 13, 2019 election iti pannakasuspinder kenni San Fernando City Mayor Hermenegildo “DONG” Gualberto iti maipagarop nga anomalysa ti panangipatungpal iti rehabilitation ti Phase 1 and 2 ti City Plaza.
Segun kenni Atty. Rizalde “Zaldy” Laudencia, saan pay nga naawat ni Mayor Dong iti kopya ti nasao a pammilin nga impaulog ti Ombudsman agingga idi kalman Abril 29, 2019.
Kinuna na, saan nga agbalin a basaran iti pannakairuar ti preventive suspension kontra kenni Mayor Dong nga daytoy ket guilty agingga ngaawan pay iti konkreto nga ebidensya a makaitudo kontra kenkuana.
Mainaeg daytoy, mabalin pay a mangidatag ti motion for reconsideration ni Mayor Dong tapno depensaan ti nasao nga akusasyon kontra kenkuana.
Segun pay kenni Atty. Laudencia, no mangabak ni Mayor Gualberto ket iproklama isuna ti Commission on Election (COMELEC) gaputa isuna iti inbotos dagiti tattao.
Maipalagip, 47 manipud iti 59 a Barangay Captains iti nagpirma ti reklamo kontra kenni Mayor Dong gapu iti maipagarop a kaada ti anomalya iti pannakaipatungpal ti rehabilitation ti Phase 1 and 2 ti City Plaza.
Ni Atty. Laudencia nga tagasuporta ni Mayor Dong ket nagserbi nga agent ken imbestigador ti National Bureua of Investigation (NBI) ken Ombudsman ken naipasidong iti anti-graft ken fraud trainings iti panangiyuna ti Commission On Aaudit (COA) ken dadduma pay nga ahensya.
