LA UNION – Manamnama a maipasa agingga nga agtapos ti agdama a tawen iti dua a resolusyon a mangted proteksiyon iti aglawlaw, nangruna iti kabaybayan a sakop ti La Union.
Iti nasao a dua a resolusyon ket pinutar ni Sangguniang Panlalawigan Member Francisco Kit Ortega, committee chair on environment, ken naisumite metten iti provincial board.
Pakaibilangan ditoy iti long ken short term programs nga addaan ti tarigagay a protektaran iti kabaybayan manipud iti anyaman a klase ti pollusyon ken tapno saan a maipada iti sinagrap ti Boracay island.
Nakapauneg iti nasao a resolusyon iti panang-pabileg dagiti environmental laws ken maimandar iti amin a municipal officers ken environmental employees iti istrikto nga implementasyon dagiti linteg iti panangaywan ti aglawlaw.
