Inwaragawag ti Department of Labor and Employment Region 1 iti pannakaangay ti dakkel a Labor Day Job Fair inton Mayo 1, 2026, kas paset iti panagrambak ti 124th Labor Day.
Segun ti DOLE Region 1, maawis amin a jobseekers iti intero nga Ilocos Region a makipaset iti daytoy a job fair a mangipaay iti rinibu a oportunidad iti panagtrabaho.
Daytoy nga aktibidad ket maipasdek kadagiti nadumaduma a lugar iti Ilocos Norte, Ilocos Sur, La Union (Robinson’s Mall), ken Pangasinan, tapno maserbian dagiti aplikante iti tunggal probinsya.
Aw-awisen ti DOLE Region 1 dagiti fresh graduate, skilled workers, ken dagiti agsapsapul ti baro a pagtrabahuan a makipaset ken mangrugi iti sumaruno a tukad ti karerada babaen iti daytoy a programa.
Maipapan iti nalaklaka a proseso, mabalin a magpa-rehistro dagiti interesado babaen iti online pre-registration a naipost iti opisyal a Facebook page ti DOLE Region 1.
Iti Labor Day Job Fair ket maysa a mapagtalkan ken napateg a gundaway para dagiti agsapul ti trabaho iti umno ken napateg nga oportunidad iti rehiyon. (Report by Bombo Lorielyn)
