BR LA UNION – Pinaglibakan ni Senator-elect Panfilo “Ping” Lacson iti agwar-waras a damag a naki-sinnarak kenni Vice President Sara Duterte.
Segun kenni Lacson, kas maysa a potensyal a senador-judge iti impeachment trial kontra kenni VP Duterte, saan a maiparbeng a makipag-kita iti bise presidente, gaputa adda kaso na idiay Senado.
Impaganetget ni Lacson nga awan ti problema iti pannakipolapol kenni Duterte iti normal a gundaway, ngem impaganetget na a napateg ti panunuten ken ibaga ti publiko kadagiti aksyon na.
Kabayatanna, nangipaay ti opinyon ni Lacson seknan iti panangidaulo ni President Ferdinand Marcos Jr., a segun kenkuana ket agkasapolan ti natibker a lider tapno madisiplina dagiti opisyal ti gobyerno.
Suportado dagiti senador nga isuda JV Ejercito ken Jinggoy Estrada iti panawagan ti Presidente para iti panagkaykaysa ken reconciliation, ngem saan da a pabor iti impeachment ni VP Sara Duterte.
