LA UNION – Nagballaag iti Philippine Institute of Volcanology and Seismology (PHIVOLCS) iti publiko a posible ti lahar flow iti Bulkan Kanlaon gaputi agsasagannad a panagtudo.
Iti 24-hour monitoring period ti ahensya sipud idi Dec. 14 ken 15, nailista ti 14 volcanic earthquakes ken naobserbaran iti agtultuloy a panangiruar ti gas kas ti sulfur dioxide.
Nabalakadan ti publiko a liklikan ti agturong iti karayan, waterways ken dadduma pay a posible a pagayusan ti lahar.
Naabiswan iti publiko a dumngeg iti lokal a gobyerno nu mangisayangkat daytoy ti pre-emptive evacuation gaputi posible nga agbalin nga epekto ti lahar a mabalin a mang-washout ti dadackel a bato ken daga iti karayan ken magaburan ti pitak dagiti babbalay nga asideg iti nasao a bulkan.
Kabayatanna, binilin pay ti ahensya iti lokal a gobyerno nga agmonitor iti weather condition ken rainfall warnings.
Iti agdama, nakangato ti Alert level 3 iti bulkan Kanlaon gapu iti agsaaruno a volcanic activity.
