LA UNION – Saanen nga immabot pay a sibibiag iti pagagasan ti 41-anyos a mister kalpasan nga ma-aksidente iti minaneho na a motorsiklo idiay Barangay Magsaysay, Tubao, La Union.
Ti biktima ket nabigbig a ni Danilo Barbosa ti Barangay Poblacion iti nasao nga ili.
Base iti nakalap nga impormasyon ti Bombo Radyo La Union, daldalyasaten ti biktima iti kalsada nga agturong iti laud nga direksiyon idi kellaat a nagballasiw ti maysa a baka, a nagbalin a rason ti pannakaasidente na.
Iti kinakaro ti pannakatumba ti biktima, nagsagaba ti nakaro a sugat iti bagi nangruna iti ulo, a nagbalin a rason ti pannakatay na.
Kabayatan na, nakaro met a nadadael ti motorsiklo ti biktima.
