Lalaki a timmulong tapno iyaon ti truck a naaksidente, natay kalpasan a maitapuak iti rangkis
LA UNION – Dead on arrival idiay ospital ti maysa a lalaki kalpasan a nairaman daytoy a natinnag karaman ti maysa a truck iti rangkis idiay Barangay Poblacion, ili ti Santol, La Union.
Nabigbig ti biktima a ni Larry Oriente , residente iti nasao a lugar.
Naammuan ti Bombo Radyo manipud iti Santol Police, maipagarup a nagdisnudo iti bikitama nga isu ti mangmaneho iti nasao a truck a nagkarga iti irik ken nagkasikig iti kalsada kabayatan nagalutan daytoy iti cable a guy-guyuden iti backhoe.
Nagdiretso iti rangkis nga aguneg iti 100 meters ti nasao a truck a nagluganan ti biktima kalpasan a mapugsat ti naigalot a tali.
Gapu iti daytoy, natay ti biktima gapu iti nilak-amna a dungir iti naduma-duma a paset ti bagi daytoy.
