Inyanunsyo ti Land Bank of the Philippines a mangidiaya da iti financial assistance babaen iti pautang kadagiti Negosyo ken indibidual a naapektaran ti Severe Tropical Storm Kristine.
Iti maysa nga abiso ket kinuna ti LandBank a iti Community Assistance and Reintegration Support Plus (CARES Plus) ket agbalin nga available kadagiti mannalon, mangngalap, cooperatives; micro, small, and medium enterprises (MSMEs), large corporations, ken electric distribution utilities.
Iti sidong daitoy a programa ket mausar dagiti eligible borrowers iti pondo para iti working capital, capital expenditures, kasta met iti konstruksyon, repair or acquisition kadagiti disaster-damaged equipment, pasilidad ken struktura.
Mabalinpay a mausar ti pautang ti Electric distribution utilities kas short-term working capital.
Dagiti met mangmangged ti gobierno ken payroll holders iti LandBank ket maikkan ti quick access kadagiti pondo babaen ti Electronic Salary Loan (ESL), nga available babaen iti panang-contact iti human resource department wenno LandBank branches.
Mapalubosan pay dagiti LandBank credit card holders nga i-convert dagiti available credit limits da nga agbalin a kas emergency cash nga addaan iti flexible repayment options nga agingga 36 a bulan babaen met iti “EasyCash for Emergencies” feature.
