Nakasagana ti Department of Trade and Industry (DTI) a tulungan a makabangon dagiti local a negosyo a naapektaran ti panagduprak ti Bagyong Kristine.
Daitoy ti panangpasiguro ti ahensiya kas ungbat iti direktiba ni Presidente Ferdinand Marcos Jr.
Mainaig iti daitoy, impaganetget ni DTI Acting Secretary Cristina Roque ti commitment ti ahenisya a uportaran ti recovery efforts para kadagiti apektado nga negosyo aglalo kadagiti babassit a negosyo wenno maaw-awag a micro, small and medium enterprises (MSMEs).
Aktibo metten a makikikoordinar ti ahensiya kadagiti partners da ti pribado a sektor karaman ti industry associations tapno usaren dagiti resources ken makaipaay ti madagdagos a tulong para kadagiti apektado.
Malaksid iti daitoy ket naideklara payen iti price freeze kadagiti essential goods para met kadagiti lugar a nakapaisidong t state of calamity.
Kabayatanna, madagadag met dagiti apektado a negosyo a akikoordinar laeng kadagiti kaasitgan a Negosyo Centers wenno DTI regional offices para iti naan-anay a tulong.
