Nangiruar ti Department of Trade and Industry (DTI) ti baro a guide iti panaggatang ti school supplies para iti School Year 2026–2027 tapno tulungan dagiti gumatang nga ikumpara ti presio bayat nga agsagsagana dagiti pamilya para iti panaglukat ti klase.
Segun ti DTI, panggep ti price guide a mangipaay ti basaran iti kadawyan a magatgatang a gamit pang-eskwela kas dagiti notebooks, papel, lapis, ballpen, krayola, eraser, sharpener, ken ruler.
Dagitoy dagiti presio maibasar iti advisory ti ahensia:
- Notebooks (80 leaves): P13 – P52
- Spiral notebooks: P14 – P49
- Yarn notebooks: P14 – P47
- Grade pad paper: P13 – P37 tunggal pad wenno pack
- Intermediate pad paper: P22 – P69.75 tunggal pad
- Pencils: P12 – P18 tunggal maysa wenno P15 – P24 tunggal pack
- Ballpens: P3 – P21 tunggal maysa wenno P18 – P27 tunggal pack
- Crayons: P12 – P114 tunggal kahon wenno depende iti kulay
- Erasers: P8 – P20 tunggal maysa
- Sharpeners: P16 – P69
- Rulers: P8 – P32
Segun ti DTI, nairuar iti price guide tapno tulungan iti publiko a makapili ti nalaka nga school supplies bayat a sigsiguraduen iti kalidad ken umno a label dagiti produkto.
Binalakadan met ti ahensia dagiti gumatang a naannad a sukimaten dagiti label ken detalye ti produkto tapno makasigurado a natalged ken maitunos iti pagkasapulan dagiti agad-adal.###
