Inlawlawag ti Department of Trade and Industry (DTI) nga iti P500 Noche Buena ket para iti uppat a miembro ti pamilia ken saan a lima kas iti immuna nga inwaragawagda.
Segun kenni DTI Secretary Cristina Roque, iti nadakamat a gatad ket nakabasar iti price guidelines nga inruar ti ahensia.
Inlawlawag pay ti sekretario a kaaduan kadagiti presio dagiti produkto a pangNoche Buena ket saan a ngimmato.
Nakadepende met ti handa iti Noche Buena iti bilang ti pamilya kasta met no karaman dagiti dadduma a kabagian.
Maipalagip a binabalaw dagiti tattao iti waragawag ti DTI nga umdas iti P500 gapu iti nangato a presio dagiti magatang ita a panawen.#
