Pinainget ti Philippine National Police (PNP) ti panangmonitorda iti presio dagiti basic commodities ita a Semana Santa.
Segun kenni PNP Chief Gen. Jose Melencio Nartatez Jr, addan ti naarestarda nga indibidual a nangipangato ti presio dagiti tagilakoda.
Kadua ti PNP iti Department of Trade and Industry (DTI) tapno agpatrolia kadagiti merkado tapno masigurado nga awan ti mangisayangkat ti illegal price increases.
Pinaregtana iti publiko a dagus nga ireport kadagiti otoridad dagiti makitada a nangingato ti presio dagiti tagilako.###
